We kommen d´r meerdere keren per dag…..de wc
mor vrouger zeden we….de plee!
Och, er binnen nog veul meer noamen veur´t klainste koamertje in huus
nummer honderd, ´t huussie, kakdeuze, ´t gemak of schiethuus.
Tegenwoordig zeggen we wc of toilet
en doar is hailemoal niks mis met.
Vrouger stonden ook in Valthermond, veul plee´s achter´t huus
het had ain veurdail, je hadden gain stank in huus.
Het was´n klain hokkie van stain of hoalt
zummer waarm en ´s winters koald.
Ain poar planken met ronde gat d´r in, rood of broen van kleur
en voak zat er ain hartje in de deur.
De deure stond maistsal op´n kier
en ze gebruukten kranten als wc papier.
Er was nog gain riolering veur´t oafval
en deur´t gebruuk van de grode gezinnen, was de tönne snel vol.
Vroug in´t veurjoar, werd de tönne leegt en over de toene bracht
alles gebeurde met de schepemmer, dus handkracht.
Nou was dat nait het mooiste waark
het was op´n kilometer oafstand te roeken, de geur was staark.
Het oafvoal kwam bie de rabarber en kruudoarensbossen
het oafvoal, woar ze ains zo´n last van hadden en neudig noar´t huussie mossen.
Gelukkig binnen we de oale plee kwiet
en goan we noar de moderne wc in dizze tied.
En de oale kranten op de plee, wat wast´n gemier
we gebruuken nou…… vierlaags toiletpapier!
Jan H.Ottens