De zummer is weer veurbie! het is alweer oktober
de natuur wordt weer wat sober.
De prachtige kleuren verdwienen langzoam in toene en veld
de mooie doagen lieken geteld.
Lange oavonds en mistige doagen stoan oans te wachten
t is haarfst! het blad voalt en de wind verzoamelt zien krachten.
De paddenstoulen scheiten uut de grond, klain en groot
langs de stroade, in´t veld en bie de sloot.
En zo het iedere joar, zien veur en tegen
mor als de doagen körten, komt nait oaltied gelegen.
De zunne komt en de zunne gait, woar we ook goan of binnen
op weg noar de duustere doagen, tied veur bezinnen.
Als´t licht langzoam verdwient deur duusternis
vuilen veul mensen het gemis.
Misschien gaf de zunne joe wel waarmte en was´t aangenoam
of wast´n tied van schaduw met´n troan.
In oans leven komt de duusternis soms onverwacht en dat dut zeer!
En telt het körten van de doagen dubbel, keer op keer.
Jan Ottens