Bedrievigheid alom

Bedrievigheid op´t laand in Valthermond

De gewassen mouten weer in de grond.

Grode machines van ´s mörgensvroug tot ´s oavends loat

Rieden over´t laand en stroat.

Trekkers in allerlei kleuren; oranje, blaauw, gries, geel, gruin en rood

In rechte lienen, langs de wieke en sloot.

Het GPS systeem is´n uutkomst veur de boeren

Huiven ze nait oal te sturen en op´t laand te loeren.

Wat´n verschil bie vrouger joaren, zeg mor zo´n viefenzestig joar leden

Toun veul boeren nog met peerd en wupkarre, over´t laand reden.

De wupkarre blaauw van kleur

Met voak ain Belgische peerd d´r veur.

Eerappelpoten, gebeurde nog met de haand

En eerappelkrabben, huile huusholdens kropen over´t laand.

Eerappelkrabberdoppies, om de vingers in alle moaten

Och, het was zo gemoedelijk, je konden onder´t krabben overoal over proaten.

Tegenwoordig roazen de grode machines over´t laand

Met achter de trekker, ain enorme stofwolke van zaand.

Peerd veur de wupkarre, het gait nog voak deur mien gedachten

Korenschoven hoog oploaden op de wupkarre, dei ze noar de boerderij brachten.

Er was toun ook bedrievigheid, bedrievigheid deur mensenhanden en peerd en woagen

Was´t toun beter?…….. mouten we oans dat oafvroagen?

Och, hou het ook is, loaten we oans aan de gedachten troosten

Het was vrouger zo, en nou nog…….wie zaait zal oogsten!