Lange duustere doagen, als´t winter is
en dan vuilen ze juust het gemis!
Gain weer om er op uut te goan
veul oalderen zitten ainzoam achter ´t roam.
Met hun baide of allain
hun omgeving is dan mor klain.
En juust met de donkere doagen
kommen de vroagen.
Woarom kommen de kinder nait?
het dut hun zeer en geft verdrait!
Met kerst zingen we van stille nacht en welbehoagen
mor het blieven veur veul mensen, duustere doagen.
Mensen, wees wies met mekoar
want Kerst komt mor ainmoal in´t joar.
Boeten in de duustere nacht, begunt ain ster te stroalen
zo begunnen de ´´kerstverhoalen´´
Verhoalen van waarmte en licht, mor ook van verbondenheid
hoop, dat de kerstdoagen veur joe verlopen in alle tevredenheid.
Jan H.Ottens