De eerste weken van januoari waren nat en nait koald
En als´t gain winter is, dan is het regen wat d´r voalt.
Doagen zunder zunneschien, graauw en gries
En dus gain scheuvelies.
Wait´n je wat het is?
Het binnen de oalderwetse winters dei ik mis!
Weken laank op de scheuvels deur Valthermond
Met zo´n twintig centimeter vorst in de grond.
Mor veul wotter om op te scheuvelen, hebben we nait meer
En dat dut mie nog oaltied zeer.
Met mekoar op de scheuvels, wat fijn
´n ieder is in bewegen, groot en klain.
Toch hoop ik, als de Kiek in februoari uut komt dat we op´t ies stoan
En dat we weer´n keer noar´n oalderwetse winter goan.
Kaaibakken en scheuvelwedstrieden van de scholen in Valthermond
Ain dikke loage ies en ain beetje sneij op de grond.
De oalderwetse winter, ´k hoop nait dat het allain herinneringen binnen aan vrouger joaren
Mor misschien, als ik dit schrief, binnen de sloten, kanoalen en het Aukje Wolfpark dik bevroren.
Jan H.Ottens
