Veur de twaide moal, kon de dodenherdenking nait deurgoan
Nait met mekoar aan de Vrijheidsloan.
Soamen de oorlogsslachtoffers herdenken dat geft´n band
Mor, het mos het dit joar weer op oafstand.
Gain tousproaken of´n gedicht
Zelfs gain biedroage deur de scholen verricht.
Soamen, kinnen we meer als allain
En dat geldt veur groot en klain.
De dodenherdenking dat mogen we nooit verzoaken
Ook op oafstand, mouten we er bie betrokken roaken.
Nait bie mekoar, mor op oafstand, ieder apart
De echte vrijheid, zit in oans hart!
Dus, woar we ook goan of stoan
Loaten we herdenken, en dat mag zelfs met´n troan.
Hopelijk kinnen we oanze vrijheid volgend joar in alle vrijheid weer herdenken met mekoar
Zunder corona gevoar.
Luusteren noar muziek, tousproaken en gedichten
In aanwezigheid van veul gezichten.
Soamen herdenken bie het monument
Nait allain oalderen, mor ook het kind.
De jeugd mot de vrijheid deurgeven
Als straks de ooggetuug´n nait meer leven.