Woarom?
Wat ain boudel in de wereld tegenwoardig
oorlog in Oekraïne, mensonwoardig.
Mensen op de vlucht veurt oorlogsgeweld
t´ is net of ain leven nait meer telt.
Gebouwen verwoest tot de leste stain
gezinnen in de schoelkelders of allain.
Dit alles in opdracht van´n tiran
het eigen volk mout zwiegen, al joaren lang.
Vrijheid, is ver te zuiken door
om te protesteren tegen de oorlog, loop je gevoar.
Oorlog, kent gain winnoars, het geft verdrait woar´t ook is
families verscheurt en wanhopig deurt gemis.
Oekraïne is Oekraïne nait meer
en dat dut zeer!
Veul steden verwoest, mor het verzet is groot
vechtend veur hun laand, tot aan de dood.
Houveul kin ain mens verdroagen
woarom, woarom, het blieven vroagen.
Mor ain is zeker, en dat main ik echt
hoop dat de tiran, veur zien doaden wordt berecht!
Jan Ottens