2019 is sloapen goan
was´t ain joar met´n lach of met´n troan?
Misschien, hebben je gain zin om achterom te kieken
mor wat 2020 brengt…..dat mot nog blieken.
En als je toch achterom willen kieken, blief d´r nait te laank bie stoan
2020 is begonnen, en doar mouten we met verdergoan.
Mor hou het zal verlopen, dat waiten we nait
mokt het oans bliede? of geft het verdrait.
Natuurlijk mokken we plannen veur dit joar
soms allain en dan weer met mekoar.
De veurnemens binnen talriek in veul gezinnen
en dat is veur sommigen, wel even wennen.
Stoppen met roken of op dieet, ja sommigen willen wel vattig kilo kwiet
mor hebben noa ain week, alweer spiet!
Ach, het voalt ook nait met
als de gang van oans leven in ain andere versnelling wordt zet.
Mor als je wat willen? dan mouten je er veur goan!
En ondanks dat de teleurstelling soms op oans gezicht stait te lezen
is de bliedschap des te groter, als je het hoalt hebben, dan mag je doar trots op wezen!
2020 zal´n we d´r met mekoar veur goan?
En achteroaf kinnen we pas zeggen……het was met´n lacht of´n troan!
Jan H.Ottens