In mien gedachten, goa ik Valthermond in´t rond
Stoa stil, woar vrouger alles stond.
Wat was d´r ain bedrievigheid
Mor ook de gezelligheid.
Schepen voarden oaf en aan deur de kanoalen
En bie de oale sluus, hadden de schippers prachtige verhoalen.
De venters langs de deuren, met hun eigen verhoal
Och, het was zo gemoedelijk allemoal.
Gienus met de madde, wel kende hom nait?
En bie De Haas in de automatiek, lag lekkere Prijt.
Peerd met wupkarre over de stroaten, ´n prachtige tied toch?
Hail daip in mien gedachten, heur ik het geluud nog.
De dörstmachiene bie de korenbulten, wat´n nostalgie
Als kind zijnde, waren we d´r oaltied bie.
Veul is d´r verdwenen, van veur tot achter in de mond
Het kasteeltje in de Koavelingen, was zomor weg, weg van mien geboortegrond.
Kerken, kroegen, stelmokkers, smederijen, scholen en de oale winkeliers, ze binnen d´r nait meer
En in gedachten, dut mie dat zeer!
Natuurlijk is stilstoan achteruutgang, dat waiten we allemoal
Mor toch is d´r hail veul verdwenen, van Valthe tot aan Musselknoal.
Woningen worden oafbroken, volgens de kenners, nait meer van dizze tied
Mor er komt niks veur terug, nee, we binnen de woningen kwiet!
Er wordt van alles beloofd
En er is gain Valthermondje, dei doar nog in geloofd.
Veur Valthermond is dit gain stilstoan, mor achteruutgang
En dei gedachten, mokken mie bang!
Valthermond, bin d´r geboren en getogen, en woon d´r nog oaltied
‘k Was in gedachten bezig woar alles stond, mor als´t zo deurgait, binnen we langzoamerhand……. alles kwiet!
Jan Ottens