De boeren binnen weer drok aan´t strontjen in Valthermond
er mot weer voeding in de grond.
Vanoaf 16 februoarie mocht weer, volgens de wet
mor´t laand was te nat, en doar zaten ze ain beetje met.
Begun april zagen je de mestauto´s weer bie de stroat
en soms tot ´s oavonds loat.
We wonen hier in ain agrarisch gebied
en kent de boer gain tied.
Sommige mensen dei hier wonen, mor nait binnen geboren
kinnen het strontjen nait bekoren.
De stinkboeren binnen ook weer bezig, wordt wel ains zegt
mor, mainen ze dat nou echt?
Vrouger kwam´t oafvoal van de plee op de toene terecht in Valthermond
en dat was échte stront!
Gain mens dei doar commentaar op had in dei tied
och, ze mossen het oafvoal toun ook kwiet.
Het rook echt nait noar parfum, wel te begriepen
en soms mossen je de neuze wel even dicht kniepen.
Stront stinkt! Och het is met gieren mor ain poar weken
en dan is´t weer bekeken.
Valthermond, omgeven deur´n agrarische gebied, oaltied al west
en deur´t strontjen, gruien de gewassen het best!
Och, en over´t stikstof is al genog proat het leste joar
mor het antwoord…….ligt nog oaltied nait kloar!
Jan H.Ottens