De oale schoundeuze, vol met foto´s van weleer
Foto´s met´n lach, mor sommige foto´s doun ook zeer.
Soms open ik de deuze, noa joaren weer even
En goa dan terug noar´t verleden.
Ain foto van mie zulf, toun ik nog ´n klain jonkie was
Of de eerste schoolfoto, met de aarms over mekoar in de klas
Mor ook foto´s van dierboaren woar we oafscheid van mossen nemen in´t leven
Mensen woar we veul om hebben geven.
De foto´s van mien oalders, ze binnen d´r al laank nait meer
Het geft´n gevuil van dankboarheid, mor het dut ook´n beetje zeer.
Foto´s nog in zwart-wit, het formoat is klain
Met hun baide op de foto, mooi om te zain.
En als ik zo noar de oale foto´s zit te kieken
Denk ik, opwel van baide zal ik toch lieken.
De oale schoundeuze met foto´s, geft mie ook de rust
En in gedachten goa ik terug noar thuus, het was´n waarme nust!
Dou de foto´s weer veurzichtig in de deuze…… nee, over mien jeugd heb ik niks te kloagen
Mor oaf en tou denk ik…….kon ik heur nog mor wat vroagen!
Jan H.Ottens