Gienus met de madde, dat is´n apart verhoal
twai bruiers Gezinus en Harm, en ze kwamen van Musselknoal.
Ze kwamen oaltied met de bus noar Valthermond
en brachten doar hun handel in´t rond.
Harm was blind
en dat kwam deur´n ongeluk, hij was nog´n kind.
Harm zien moe, had´n tail met kokend wotter op toafel stoan
en toun is´t verschrikkelijk mis goan.
Harm kreeg het wotter in zien gezicht
en doarmet verdween in zien ogen, het licht
Gienus was doof en begeleidde Harm van deur tot deur
en sommige kinder waren er bange veur.
Deur hun handicap hadden de jongens gain inkommen, dus mossen ze met hun handel bie de stroade lopen
ze hadden van alles bie heur; goaren, lint, borsels, schounpoets, veters, wriefwas, schilmessies, tandpasta en knopen.
In gedachten zui ik de jongens nog langs de deuren goan
Harm en Gezienus Baas, dat was hun noam.
Harm geboren 17-07-1910 overleden 07-09-1988. Gezienus geboren 01-01-1919 overleden 31-05-1990 de oalderen onder oans, kennen ze vast nog wel
Gienus met de madde…………..het was´n kleurriek stel.
Jan Ottens
