De coronavirus, is nait zichtboar
mor het brengt oans wel gevoar!
Veural veur mensen zunder weerstand
de virus gait van land noar land.
De scholen mossen sloet´n
mensen goan nait meer noar boeten.
Kroegen dicht, gain voetbal, alles oaflast, wat´n gemier
mensen aan´t hamsteren, veuroal wc papier.
Wat veur nut dat had, gain idee?
Wat mouten je met zoveul papier, op de plee.
Ain smok of handen geven, beter van nait
´t is beter dat de aander zo´n anderhoalve meter van joe oafstait.
Wat´n boudel! we hebben d´r nog gain antwoord op
mor de coronavirus, kost sommige ondernemers de kop!
Helaas binnen d´r ook doden te betreuren
jammer dat dit mos gebeuren.
Lot´n we doar nait aan veurbie goan
de virus het de wereld in zien macht en corona (COVID-19) is de noam!
‘Wat´n boudel’ dat stait boven mien gedicht
mor het is nog nooit zo duuster west, of het wordt oaltied wel weer licht!
Jan H.Ottens