Is´t te veul gevroagd?

Kiek op de Mo(a)nd Valthermond

Mensen dei vrij binnen in hun doun en loaten

Hebben het voak nait in de goaten.

Dat aanderen veur hun vrijheid hebben streden

Angst en pienne mossen deurstoan en veur oanze vrijheid binnen overleden.

Op 4 mei kommen we weer bie mekoar bie het monument om te herdenken

Soamen stilstoan en te gedenken.

Dat de scholen hier aandacht aan schenken en aanwezig binnen, dat geft´n goud gevoel

Oanze jeugd heft de toekomst, vrijheid is oans aller doel!

Mor, we mouten wel woakzoam wezen, loat joe nait verrassen

En dat geldt veur de oalderen, mor ook veur de kinderen in de schoolklassen.

Normen en waarden, dei binnen hail belangriek in oans leven

Dat binnen de uutgangspunten om mekoar ruumte en vrijheid te geven.

Loaten we oaltied blieven herdenken

En dat het oans haile leven, vrede blift schenken.

Mor werkelijke vrede, komt pas in oans leven

Als we leren om mekoar te vergeven!

Op 4 mei binnen we twai minuten stil, bie het monument aan de Vrijheidsloan

En in alle stilte, zal´n oanze gedachten noar de oorlogsslachtoffers goan.

Och, de plechtigheid duurt mor´n goud half uur, dat is toch gain bezwoar?

Loaten we dankboar veur oanze vrijheid wezen……ik verwacht joe op 4 mei bie het monument…….. met mekoar!

Jan H.Ottens