Kerst bie oans thuus, we keken er noar uut met mekoar
zingen bie de kerstboom met echte keersies en engelhoar.
Kerst gaf oans ain specioal gevuil, iedere joar weer
gain dure kado´s, mor waarmte in het gezin, keer op keer.
Het is nou ain tied van jachten en joagen
en kinnen de kado´s hoast nait droagen.
De haile moand december binnen we drok met allerlei dingen
zo drok, dat we gain tied hebben om kerstlaidjes te zingen.
In´t lest van november stoan de eerste kerstbomen al bie de stroat
waiten we nog wel, woar kerst eigenliek over goat?
Kerst, is ´t feest van ´t licht, ain nei begun veur elk en ain
mor toch, vuilen veul mensen zich allain.
Ze missen de waarmte van het gezin
en juust met zulke doagen, hakt dat er in.
En ondanks de ainzoamheid of´t gemis
hoop ik veur joe allemoal, dat´n fijne kerst is!
Misschien nait de kerst uut joen kindertied
dei herinneringen wil´n je nooit meer kwiet.
Loat doarom ain keersie branden
veur de mensen hier en alle landen.
Dakloos, op de vlucht of ainzoam
Kerst, is ook´n feest van vrede…… lot´n we doar bie stilstoan!
Jan Ottens