Uren, doagen, weken, moanden en joaren, ze stoeven veurbie
of ligt dat misschien aan mie?
Als we oalder worden, is´t net of de tied oal sneller gait
´t is net of d´r niks meer stil stait.
Ondanks de corona stoeven we van A noar B
en missen ´s oavonds gain programma op TV.
Als we achterom kieken, was´t toch wel´n biezunder joar
veuroal met de kerstdoagen, nait gezellig met de haile familie bie mekoar.
2021 misschien was´t joen joar nait
zaikte, tegensloagen of verdrait.
Ondanks alles, draait de tied wel deur, wat we ook doun of woar we ook goan
en dat we nou met mekoar in 2022 stoan.
Gelukkig worden de doagen weer wat langer en dat is´n goud bericht!
van de duusternis, noar meer licht.
Wat de winter nog brengt, dat waiten we nait
misschien kommen we nog wel op de scheuvels, als´t stief vraizen gait.
Met de kerstdoagen was´t koald en had goud vroren
Ze konden scheuvelen in Buunermond en in Noordloaren.
Och, woar je ook binnen; thuus, op de scheuvels, op school, onderweg of op kantoor
ik wens joe het allerbeste met mekoar!
Jan H.Ottens