Windmeulens, we kinnen er van alles over zeggen en schrieven
Mor veur en tegenstanders, zallen er oaltied blieven.
Van de visvijver tot aan´t knoal
Doar kommem 9 windmeulens in totoal.
Mor dat nait allain
Straks, kinnen we 45 meulens in dizze omgeving zain.
Veur ieder meulen kommen twoalf vrachtwoagens met onderdailen, veuroal in de nacht
Dat is in totoal 528 keer ´n vracht.
Het vervoer van de onderdailen is indrukwekkend om te zain
En dei binnen heus nait klain.
Veuroal de rotorbloaden van 64.4 meter, wat ´n joekels van dingen
Ze kommen op 145 meter hoogte, op stoalen ringen.
44 windmeulens in opbouw, wat´n bedrievigheid
Mor het duurt nog even, veur dat alles d´r stait.
Zo´n 170 joar leden, was in dizze omgeving ook veul bedrievigheid
Tegenstanders van de vervening, waren er toun nait.
Het veen werd oafgroaven veur de energie, en dat allemoal deur mensenhanden
De törf werd per schip vervoerd en thuus kon de kachel er op branden.
Het veen is d´r nait meer
Het gaf de bewoners energie, keer op keer.
De windmeulens geven ook energie,
Er draait al aine, en er kommen nog 44 bie.
Och, in de mallemeulen van oans leven
Kommen we ( of we willen of nait ) hail wat veranderingen tegen.
Jan H.Ottens
