Ain ongeluk zit in´n klain houkie, wordt wel´s zegt
in de moand september, was´t nait goud, zegmor slecht.
Vair jonge levens vonden de dood, uut Buunen, Börger, Musselkanoal en Twaide mond
en drei aanderen zwoar gewond.
Eerst in Stadskanoal ging´t verschrikkelijk mis
familie van de slachtoffers, van de aine op de aandere moment in grode droevenis.
Nog gain week loater was´t alweer roak, nou bie Valthermond
twai jongemannen vonden de dood, en aine zwoar gewond.
Weer families en vrienden in groot verdrait
woarom, woarom toch! Mor antwoord kriegen ze nait.
Vair jongemannen in de blui van hun leven, ze kwamen nooit meer thuus
achter hun noam, stait nou´n kruus.
Lege plekken dei achterblieven, ain groot gemis
nait te bevatten, hou moeilijk dat is.
Het leven gait wieder, ook al voalt het verschrikkelijk zwoar
ik wens de familie en vrienden………….. hail veul staarkte met elkoar!
Jan Ottens
