Kerst, is ’n feest van familie en vrienden dicht bie mekoar
Sfeer en gezelligheid, zo in ’t lest van ’t joar.
Mor, kerst het ook ’n boodschap van nije leven
Tied van bezinning of mekoar te vergeven.
Ain ieder van oans, viert kerst opzien eigen manier
In alle ainzoamheid of met veul plezier.
Als we achterom kieken, was ’t ain joar van duusternis
Gain verjoardoagen, gain familiebezuik, het vuilde als ’n gemis.
Mondkappies en 1.5 meter uut mekoar
Het coronavirus, bracht oans gezondheid in gevoar.
Over de haile wereld het de virus tousloagen
aarm of riek, het betrof alle bevolkingsloagen.
Het virus is nait zichtboar
En doarin zit juust het gevoar!
Families mossen oafscheid nemen, hou moeilijk het ook is
En vuilen juust met zulke doagen, het verdrait en gemis.
Kerst, aanders dan aans, dit joar
Nait met veul familie of vrienden dicht bie mekoar.
Gain volle kerken en het soamen zingen van ‘Stille nacht’
Het coronavirus, het oans wat teweeg bracht!
Kerst, het feest van ’t licht in de duusternis
Hoop dat het volgend joar, weer ’n feest van alle mensen is.
Dat het licht van kerst in joen hart mag blieven schienen, en dat je kracht vinden bie mekoar
Ondanks ain zwoar bewolkte 2020, wens ik joe ‘fijne kerstdoagen en ain zunnige en gezond nijjoar’
Jan H.Ottens