Veul ekkels en kastanjes op stroat en pad
mok de borst mor nat.
De strengste winter in honderd joar
liggen joen scheuvels al kloar?
De tocht der tochten, kin zomor worden verreden
scheuvelen en klunen deur de elf steden.
Mor of´t ook uut komt, dat mout nog blieken
och, ze kinnen nog gain tien doagen veuruut kieken.
Nou ja, er binnen zoveul gezegdes en spreuken, wat ´t weer aangait
mor zekerheid, dat geven ze oans nait!
Vorst bie nije moan
dan kinnen we scheuvelen goan.
Blinkt oktober in zummergold
volgt de winter snel en kold.
Worden de bloaderen geel en krom
kiek dan noar joen kachel om.
Och, hou de winter ook komt of voalt
neem de veurspelling met´n körreltje zoalt.
Mor, ain ding wait ik wel!
´t is de woarheid wat ik joe vertel
Rieden je op de fietse in Valthermond bie´t pad
en ´t regent haardop, dan worden je nat!!
Jan H.Ottens
